Saturday, March 17, 2007

Напагийн хєндий Америкийн аялал жуулчлалын орон

Баруун Монголын баатарлаг туульс Жангарын туужид “євєлгvй зунаараа байдаг сэр сэр салхитай, бур бур бороотой Бумбын орон” хэмээн гардаг билээ. Тэгвэл АНУ-ын Бумбын орон нь урин дулаан уур амьсгалтай Кальфорн муж яах аргаггvй мєн болно. Энэ муж нь уулын бvргэд, тайгийн баавгайг тэнгэр юундаа даатган шvтэж ирсэн уугуул иргэд индиануудын тєрєлх нутаг байжээ. Хойноосоо оросуудад, урдаасаа испануудад, хажуу бєєрнєєсєє еврoпын цагаачдад шахагдсаар тэд нутгаа алдаж, нутгаа сахиж vлдсэн индиануудaд eврoп зvгийн євчний тархлал хараахан тогтоогvй байсан учраас санаатайгаар тараасан улаан бурханаар хорвоогоос ачигдсан байна. Элдoрaдoгийн эрэлчид Кальфорнд алтны асар том орд олсноор хvн амын улам олширч, хойгийн vзэсгэлэнт Сан Франциско хот vvсэн бий болжээ. Энэ хот 1906 оны газар хєдлєлтєєр шатахаасаа ємнє Парисийн дараа ордог байсан гэнэ. Цагаачдын мєрєєдєл болсон энэ нутагт хєл тавих нь амаргvйхэн даваа байсныг ганцхан зууны тэртээх тvvх єгvvлж чадна. Далайгаар Кальфорнд ирэхэд ємнєд Америкаар тойрон 6 сар аялж, усан онгоцонд суусан зорчигчдын гуравны нэг нь далай євчнєєр амиа алддаг байсан гэнэ. ХХ зууны эхэнд Панамын сувгийг сэтлэн гаргаж, хоёр тивийн дундуур усан онгоц зєрчих болсноор Кальфорны эрэгт ирэх зорчигчдын аялал 2 сар болтлоо товчлогдон, зам зуурын Панам, Куба, Карибын орнууд ид цэцэглэн хєгжжээ. Тэр усан замаар баруун эрэгт хvрэх бэл бэнчингvй хvмvvс Америк тивийг хэдэн сараар явган нvцгэн, унаа тэрэгтэй туулахдаа Коларидо, Кальфорныг холбосон элсэн цєлийг гатлахдаа хамгийн бэрхийг эдэлж байжээ. Дашмаг усыг шагчдын гараас тухайн vедээ 100 доллароор (тvvнээс хойш мєнгєний ханш хэдэн зуу дахин єєрчлєгдсєн) авдаг байсан домог хvртэл бий. Энэ олон давааг давсны эцэст амьдралаа шинээр эхлэх боломж олддог тухай олон ч ном зохиолд бичжээ.

Тэр цагаас хойш сайхан амьдралыг мєрєєдсєн, vзэж туулсан олон vеийн vй тvмэн хvний хєлс хvчээр цэцэглэн хєгжсєн энэ мужийг Америктаа хамгийн баянд одоо тооцно. Кальфорн муж дангаараа vндэсний орлогоороо дэлхийд эхний долоод буюу Францын дараа бичигддэг хэмээн америкчууд бахархдаг юм. Yнэхээр тийм гэж хэлэх бvрэн vндэслэлтэй гэж би бодож байна. Америкийн мєнгєний хамгийн том уурхайнууд энэ мужид тєвлєрчээ. Yvнд мэдээж алтны орд, газрын тосны орд, Напа, Сономагийн дарс, алдарт Хооливоод, компьютерийн технoлoгийн єлгий Цахиурын хєндий (Silicon Valley), аялал жуулчлал орох ба эдгээрийг vнэхээр Америкийн мєнгєний уурхай гэж нэрлэнэ. Дэлхийн хэмжээнд дарс vйлдвэрлэлийн 30 орчим хувийг экпoртoлдoг Кальфорн дарсыг амтлахаар ирдэг жуулчлалын ертєнцийн талаар энэ удаад дурдахаар шийдэв. Єрнийн уугуул соёлтой баруун еврoпынхoн болон америкууд дарсыг єдєр тутмынхаа амьдрал ахуйд нэлээд хэрэглэдгийг бид мэднэ. Гэтэл Кальфорнд дарсыг vндэсний бахархал, соёлын єв (national heritage), дарсны соёл (wine culture) гэж vздэг. Арга ч vгvй байх цар хvрээгээрээ дэлхийд хоёрт ордог дарс vйлдвэрлэгчид энэ хєндийд амьдaрч байна. Анх Напагийн хєндийд дарсны зориулалтаар усан vзэм тариалахад цаг уурын тогтмол дулаан нь нэн таарч байсан ч цэвэр усны гачаал vvссэн гэнэ. Далай хєвєєнєєс 60-70 км дотгош орших элсэрхvv энэ хуурай хєндийд Бресса гэж нэгэн нуур байна. Бресса нуурны давсгvй цэнгэг усыг дамжуулах хоолойгоор татаж, усан vзмийн талбайгаа усжуулжээ. Энэ нь Лодойхvv баатрын Халиун голоос шуудуу татаж жимс ногоог элсэн цєлд усжуулж байсантай агаараа нэгэн адил зvйл болно. Манайх тэр туршлагыг Арлын тэнгисийг суваг шуудуунд ашиглан сєнєєсєн узбекуудаас авсан сурагтай байдаг. Усжуулах асуудлыг шийдсэнээр Напагийн хєндийд асар олон дарс vйлдвэрлэгчид тєвлєрєн хоорондоо єрсєлдєж хєгжил, цэцэглэл зэрэг эхэлжээ. Улмаар хийсэн бvтээгдэхvvнийхээ чанар чанасаа, цар хvрээгээрээ дундад Aзийн орнууд, Австрали, Италийг хол хаяж, дэлхийн дарсны зах зээл дээр хєгшин еврoпын Францтай халз єрсєлдєх болжээ. Дарсны эдгээр компаниуд єєрийнхєє хийсэн дарсаа хvмvvст амсуулан сурталчлах болсноор Кальфорны зvгт хошуурах жуулчдын тоо жил ирэх тутам нэмэгдсээр аялал жуулчлалын томоохон бvс бий болоход хvрчээ. Задгай агаараар зад амьсгалуулан гадныхны тvрийвчийг хоослох гэсэн монголчуудын маaнь мєрєєдлийг амьдрал дээр хэрэгжvvлсэн жишээ нь энэ болно.

Дарс амтлах дэлгvvртэй эдлэн газруудыг дагаад єрнийн хоолны соёл єргєнєєр нэвтэрч, дээр нь vзвэр vйлчилгээ ч дэлхийн тvвшинд хvрчээ. Yйлчилгээ бол хєрєнгєт нийгэмдээ нvдэнд vзэгддэггvй, гарт тэмтрэгддэггvй нvсэр том vйлдвэрлэл болдог. Энэ далд vйлдвэрлэлийг бий болгохын тулд vйлчилгээнд гарч буй хувь хvмvvсийн харилцааны соёлоос эхлээд зочны тохь тухыг харгалзсан соёлын бvх л елементийг зэрэг хєгжvvлдэг ажээ. Напагийн хєндийд дэлхийд цартай шилтгээнvvд, хоолны газрууд улам олширсоор байна. Америкуудаар хязгаарлагдахгvй гадны жуулчид энэ зvгт хєвєрсєєр байна. Напад жуулчдын сонирхол, ирэх хvсэл тэмvvллийн судсыг аль хэдийнээ олж атгажээ. Энэ талаар єєрийн мэдсэн дээрээ дєрєєлєн уншигч авхай танаа дэлгэрvvлэн дурдъя. Миний бие Япон улсад 7 жил орчим шавилан сууж дорнын соёлыг нvдээр vзэн, биеэр мэдэрсэн билээ. Япончууд хvнтэй аанай нэг нєхєрлєх мєртєє нэгэн нєхєрлєвєл сонгосон хvнээ замын дунд мартаж гээнэ гэж vгvй. Миний таньдаг багш нар арваад жил болсон ч одоогоор холбоотой хэвээр байдаг, ойр гарахаараа буугаад морддог бичигдээгvй хуультай билээ. Tэнэх одонд тєрсєн би таарсан газраа тосч аваад аль болохоор ая тухтай зочлоод єнгєрєєх санаатай байдаг. Монгол хvний дэвэргэн сэтгэл, Япон хvний нэрлэхvv зангийн нийлбэр ч юм билэв vv, ямартай ч чадлаараа чадлаараа байхыг аль аль нь бодно. Рок хєгжмєнд тийм их дуртай биш ч гэлээ би нэг Япон багшийг дагаад Rolling Stones-ын амьд тоглолтыг гурван ч удаа хамтдаа vзэж байсан удаатай нь vvний бас нэгэн илрэл болно. Энэ оны 9 сарын эхээр 3 жилдээ нэг удаа болдог Олон улсын эрvvлийг хамгаалах салбарын эмнэлгийн мэдээллийн MEDINFO конгресс Сан Франциско хотноо болов. Японоос хэд хэдэн профессoр уг конгресст оролцохоор ирлээ. Америкийн босгоор элэгдтэл орж гарч байдаг тэдэнд гvvр мvvрхэн vзлvvлэх нь нэг их сонирхолтой биш. Юу сонирхож байгааг тэднээс шууд асуулаа. Ойрд шинэ хонины шєл уугаагvй дээ гэдэг шиг ойрд Напа-гийн дарсыг амтлaaгvйгээ тэд vгvйлж байна аа. За тэгээд амралтынхаа єдрєєс нэгийг суглаж, тэдний таалалд нийцvvлэхээр Напа руу дагуулж явахаар боллоо. Токёoгийн их сургуулийн багш нар болохоор тэд олон орноор явж, олон ч хvнтэй уулзаж догширсон улс учир хэд хэдэн утас цохиж хаана ямар хоол идэхээ хvртэл маниас тvрvvлээд тєлвєлчихсєн байв. Ингээд єглєє эрт тэднийг буудлаас авч, Напагийн хєндийг зориход бараг гурван хуруу зузаан япон танилцуулга гаргаж ирээд очих газраа тэд товлож эхэллээ. Урд ємнє Напа орохдоо гол маршрутаар нь шудраад єнгєрдєг байсан юм. Гэтэл эд холоос зорьж ирсэн, цаг заваа зарсан болоод тэр vv маш нарийн тєлєвлєж, єдрийн хоолонд орохоос ємнє зєвхєн ганц газраар орно гэнэ.

Saintsbury хэмээх вайнярдыг нэлээд тєєрч байж олж очлоо. Усан vзмийн модоор бvрхсэн бэсрэг толгодын нэгэн нуугдмал суганд байрлах тун багавтар газар юм байна. Тємєр хvлгийг уяан дээр нь хантайртал сойгоод зочин хvлээн авах єрєє рvv тэднийг алхахад хойноос нь хуучин хvv шиг тэртээ уулын хярыг харсхийн монгол алхаагаараа ажуухан тєхлєє. Шоортон дээр поло цамц єссєн худалдааны тєлєєлєгч бололтой биерхvv цагаан арьстан залуу биднийг тосон ирээд “-Намайг Жонатан гэнэ, би Сайнтсбуригийн маркeтингийн захирал байна. Та нар япончууд уу. Бид уг нь ємнєєс урдчилан захиалга єгсний дагуу vйлчлэх ёстой юм. Мужаас ийм шийдвэрийг гаргаж мєрдєєд нэг жил болж байна. Ертєнцийн эсрэг талд байгаа Токёогоос ирсэн та нарыг яаж vvдэн дээрээсээ буцаах вэ, одоо энэ vйлчлvvлж байгаа хvмvvстэй хамтраад дарс амсах ажил шалавхан орчих.” гэсээр дарс амсан тухалж байгаа 4 цагаан арьстаны хажууд биднийг суулгалаа. Жонатан удалгvй бидэнд 5 ширхэг дарс амтлах шилэн аяга барьж ирээд “-Манай энэ вайнярдыг 1981 онд байгуулахдаа Eдинбvргийн их сургуульд 20 жил англи хэл заасан Лондонгийн нэрт зохиолч, профeссoр Жеoрж Сайнтсбурыгийн (1845-1933) сайхан хоол, сайн дарсанд амьдрал хvслээ зориулан цэнгэж явсны дурсгалд зориулан уран зохиолд оруулсан хувь нэмрээр нь нэрийг нь мєнхлєхєєр вайнярдаа нэрлэсэн юм. Энэ вайнярдыг vvсгэн байгуулагч нь Ричард Вард, Давид Гравeс болно. Анхны алдарт дарс нь Cаrneros Pinot Noir гэдэг. Одоо та нарт амсуулъя.” гээд шалгамгай гэгч нь дарсaa бvгдэд аягaлан цааш нь ам мэдэн дарсныхаа тєрлийг найрлага, химийн задaргааг нэг бvрчлэн танилцуулж нэлээд олон шил дарс амсуулаад, хэрхэн дарс хийж байгааг vзvvлэхээр vйлдвэрийн дамжлага руу биднийг аваачив. Усан vзэм шаxагч, дарсны найрлагыг тогтоогч, савлагч, зєєгч нь зєвхєн цагаан арьстнууд байлаа. Би бол арьсны vзэлтэн биш ээ. Дандаа цагаан арьстан гээд байгаа нь цаанаа учиртай юм. Энд байгаа хvмvvсийн хамгийн сайн ажлыг тэд сoрчилж хийнэ, тэр тусмаа теxник тexнoлoгитoй холбоотой бол зєвхєн єєрсдєє л хийхээс манайхан шиг хятaдуудыг ажиллуулчиxья гэсэн сэтгэлгээ байхгvй юм л даа. Уриалгахан урьж vйлчилсний дараа дарсныхаа дэлгvvрт биднийг сэм дагуулж орлоо. Хvндэтгэл, vйлчилгээ хоёрт сэтгэл нь xaнaсан япончууд дор хаяж хvний гурван шил дарс худалдан авч байв. Нэг шил дарсны дундаж vнэ 100 орчим доллар болнo.

Єдрийн хоолыг Жeк Лондоны vндэсний цэцэрлэг дахь WolfHouse (Чонын vvр) рестoранд идэхээр очив. XIX зууны хэлбэртэй тэр зоогийн газар энд тэндгvй баахан чонын зураг, соёо єлгєнєєс биш байдаг л нэгэн барууны маягийн газар юм. Хоолны порц нь их, амт шимт нь хайнгадууг харвал vйлчvvлэгч нь лавтай америкууд болтой. Япончууд яахав хоолны зэсэн дээрээс нь загас жараахай орсон болгоныг нь зааж аваад явган яриа хvvрнэсээр єдрийн зоогоо єндєрлєв. Би ч "Цагаан соёо" гэдэг сайхан зохиол байдаг гээд яриа єдсєн боловч тvvнийг мэдэх хvн гарсангvй. Уг нь 50-иад оны vед Б.Ринчен тэргvvтэй эрдэмтэд монгол хэлэнд орчуулсан эд л дээ. Очих газрууд нь єєр хоорондоо зайтай учир vдээс хойшдоо ердєє 2 газраад ороод vдэш бvрий болов. Хаана явсан газартаа энэ японууд тэднийг бєхєлзvvлж байсны увьдас нь тэдний хэтэвчин дэх мєнгє, тvvнийг хайхрамжгvй цацдаг зан хоёрт нь оршиж байв. Жуулчлалаар хєгжиж дээшилнэ гэдэг аялагч хvний ая тухийг алдуулахгvй ааш зангийн нь сайхан байгаа дээр тоолдог хэдийг нь салгахад л байдаг юм байна. Напа-гийн уулан талдаа байрлаx Amenities Tariffs буурчийн газрын “Auberge du Soleil” франц зоогийн газарт тэд оройн хоолоо идэх болов. Єндєр зэрэглэлийн энэ рестoранд далайн хоолыг 7 курсээр авахаар захиалжээ. Yйлчилгээ бол vнэхээр тасархай. Хоолны дундуур дарс захиалах боллоо. Дарсны нэр тєрлєєр доктор хамгаалсан болов уу гэлтэй бузгай сайн мэдлэгтэй манай хэд 100, 300, 800 долларын vнийн ангилалтай дарснаас нэг нэгийг саваагvйтэн захиалж байх юм. Хоолны vнэ дарсаа оруулаад 2000$ болж байхад гар цайлгах типийг нь 25%-аар бодож нэмээд жолоочийг эс тооцон дєрвєн хvнд хувааж тєлчихєєд “-Яаяa, ёстой хамдхан сайн хоол идлээ.” гэж шогширсоор гарлаа. Миний vзсэн ганцхан тоxиолдолд ийм байгаа юм чинь хэчнээн боломжтой хvмvvс энд ирж хэрхэн vйлчлvvлдэг бол гэсэн бодол сэтгэлд эргэлдэв. Хоол гэдэг бол жуулчдыг татах хамгийн гол зvйл болно. Манай Монголд хоолны vнэ ихэссээр байгаа ч амт чанар, vйлчилгээ нь хєлдvv хэвээрээ байна билээ. Yл vзэгдэх vйлчилгээний салбарыг Монголд бид босгож чадвал гадны жуулчид vерийн ус шиг нэмэгдэх нь гарцаагvй. Харь газар хал vзэж яваа монголчууд маань харьж буцаад аялал жуулчлалын салбарыг єєд татна биз ээ хэмээн бодож Напад vзсэн єчvvхэн учрал, сэтгэлд орсон нэгэн бодлоо эвлvvлсэн vvгээр учиглан дуусгая.








2004.9.15

1 comment:

Black Pearl said...

Sain bn uu? namaig Suvd gedeg. tanii ene bichsen Napagiin hundiin talaarh, yer ni USA aylal juulchlaliin salbar dahi tsuhas ch gesen gaihlati zuiliig bichsend mash ih bayaralaa.ih saikhan boljee. bi aylal juulchlaliin negen tom kompnaid ajilaadag l daa. tanii helj bgaa yag unen shuu mongold aylal juulchlal hugjij bn l geed bdag yag unendee service bol tuuhii bn, dahiad amerikiin aylal juulchlaliin gol gol destination-uudiin tuhai saikhan bichigdel hiij bgaarai.
Hundetgesen Suvd