Friday, March 16, 2007

Америкт хєрєнгє євлєх эрх хязгаарлагдмал байдаг

Америкт хэн чадалтай, авхаалжтай хүн өөдлөн дэгждэгийг бид бүхэн мэднэ. Гэтэл баян тарган явсан хүний үр хүүхэд тийм амархан эцэг эхийнхээ хөрөнгө зоорийг өвлөн авч чаддаггүй ажээ. Энэ бүхнийг хуульчлаад, хэдэн зууныг дамжин хуулиа мөртөж ирсэн байна. Кальфорныг цэцэглэн хөгжиx үeд төмөр зам, тээврийн үйлчилгээг эзэгнэж, ВелзФарго банкийг үүсгэсэн, Херс шилтгээнийг байгуулсан гэр бүлийнхэн дөрөв дэх үе дээрээ тэр их хөрөнгөнд гар хүрэх ямарч эрхгүй болжээ. Станфордын их сургуулийг байгуулсан айлын ач, гуч хүүхдүүдэд бас л тэр их хөрөнгө ямарч нялзах юмгүй болсон байна. Энэ болгоны үндсэн шалтгаан нь татварын хуультай, ялангуяа үхэгсэдийн татвартай холбоотой ажээ. Баян хүн өөд боллоо гэхэд нэг сая доллар үр хүүхэд нь эзэмших эрхтэй, түүнээс дээш гарах хөрөнгийн 90 хүртлэх хувийг улс хураан авдаг байна. Нэгэнт 90 хувийг нь төлөх үр хүүхэд нь хөдлөшгүй хөрөнгийг нь хадгалж үлдэх боломжгүй болж зараад, түүнээсээ багахан хувийг хүртдэг байна. Хэрвээ үр хүүхэд нь өөрөө чадал муутай бол нэг хоёр үе өнгөрөөд ядуурах тохиолдол олон байдаг гэнэ. Үүнийг америкууд тайлбарлахдаа чадалтай нь сайхан амьдардаг шударга нийгэм гэж үзэж байна. Нэгэнт нийгэм нь ийм тогтоцтой болохоор асар их баяжсан хүмүүс ихэнх хөрөнгөө амьд сэрүүн байхдаа сайн үйлсийн төлөө зарцуудаг ажээ. Хөрөнгө өвлөх эрхийг ийнхүү хязгаартай болгосноор энэ оронд хэмжээлшгүй эрх дархтай султан, хаад төрөх нөхцөлийг хааж чадсан байна. Саяхан нас барсан Анна Николийн үлдээсэн хагас миллиард доллараас амьд үлдсэн охин нь 50 орчим саяыг авч чадна биз ээ. Энэ охиных нь ирээдүйн хүүхэд 5 сая орчим долларын хөрөнгөтэй болж, түүний дараа үеэс өвлөх хөрөнгийн хувьд энгийн америк хүн болох жишээтэй.
2007.3.16

No comments: