Friday, March 30, 2007

Сайн нєхдийн хvчинд санасан бодсон минь биелж явна


Харьд суугаа монгол тvмний тєлєє зvрх сэтгэл, цаг зав, мэдлэг, туршлагаа зориулж яваа хэсэг нєхєд 2004 оны 6 сарын 26-ны єдєр Бэй Аэриагийн Монголчуудын Холбоог (БАМХ) албан ёсоор vvсгэн байгуулж, молхи надад удирдан авч явах хариуцлагатай эрх, vvргийг тохсон юм. Улирч єнгєрсєн энэ гурван жилийн хугацаанд сайн нєхєд, сайхан сэтгэлт олны дэмээр Улсын баяр наадмыг гурван удаа, Хvvхдийн баярыг гурван удаа, Хvvхдийн шинэ жилийг гурван удаа, Холбооны vйл ажиллагааг дэмжигчдийн шинэ жилийн цэнгvvнийг гурван удаа, Цагаан сарын зoлголтыг гурван удаа, Монгол Улсын Ерєнхийлєгч Н.Багабандийн уулзалт, Монгол Улсын Ерєнхийлєгч Н.Энхбаярын уулзалт, Монгол Улсын Ерєнхий сайд асан Ш.Гунгаадорж, Р. Амаржаргал, Ц.Элбэгдорж нарын уулзалт, Монгол Улсын элчин сайд Р.Болдын уулзалт, Ерєнхий консул Г.Сэсээрийн уулзалт, Өргємжит консул Грес Робертсын уулзалт, консулын vйл ажиллaгаанууд, Монгол улсын тєр нийгэм, урлагийн зvтгэлтнvvдийн уулзалт, Монголч эрдэмтдийн хурaл, Монгол орноо Америкчуудад сурталчлах олон удаагийн урлагийн тоглолт, харьд суугаа Mонголын сvсэгтэн олонд сэтгэл санааны дэм vзvvлэхээр Далай ламын уулзалтыг Сан Франциско (2005), Пасадена (2006) хотуудад зохион байгуулж чадлаа. Улаанбаатар-Оакланд эгч дvv хотуудын харилцаа тогтооход эхнээс нь єдий хvртэл оролцлоо. Энэ бvхнээс гадна, хvний амьдралын нарийн ширийн болох євчин зовлонд нэрвэгдсэн, vхэл хагацал vзсэн, орон шоронд орсон, баригдаж тавигдсан, сандарч тэвдсэн єчнєєн олон монголчуудад сэтгэл санаа, эд материалын тусламжийг чадаx ядахаараа, чин сэтгэлээсээ vзvvлж ирлээ. Энэ бvгдийн хийж бvтээж явахад хоёргvй сэтгэлээр гар бие оролцолж явсан анд нєхдvvд маань надаас шалтгаалахгvйгээр хамтран БАМХ-г цаашид аваад явах тvвшинд хvрснийг онцлон хэлvvштэй, бахархууштай байна. Бидний хийж бvтээж ирснийг тодорхой хэмжээнд vнэлж, дєрвєн хvнд Ардчилсан Холбооны Эрх чєлєєний одон, нэг хvнд Залуучуудыг халамжлан хvмvvжvvлэгч алтан медаль, нэг хvнд тэргvvний сурагч алтан медаль Монгол улсаас олгосныг мєн энд дурдая.

Бид анхнаасаа олон нийтэд сэтгэлээрээ нээлттэй байж, холбoоны vйл ажиллaгаанд оролцох бололцоог Бэй Аэриад суугаа хvн болгонд олгож ирсэн. Итгэлийг минь хєсєрдvvлж, зvтгэл дээр минь гишиглэж явсан цєєн тооны хvн бас бий. Гэхдээ цаг хугацаа бол vнэний шалгуур байдаг юм. Тэнэж тєєрєлдсєн хvмvvс ч бас зєвєєр ойлгох цаг ирдэг юм билээ. Нийтийн эрх ашгийг хувийнхаа эрх ашигт дээгvvр тавих гэсэн оролдлого гарч байсаан. Тэдгээр хvмvvст гомдохоор vг чулуудаж байсан бол, эрх чєлєєний оронд дураараа загнахыг нь хааж, боогдуулж байсан бол бас хvлцэл єчье. Хэнтэй ч харьцахдаа би “нэг удаа ашиглаад хаях биш”, харин аяганы хариутай явсныг надтай хамтран ажиллаж ирсэн журмын нєхєд маань мэдэх зvйлээ бусдад бодитoйгooр хэлж чадна байх. Холбооны тэргvvнээр ажиллаж ирсэн энэ хугацаандаа би монголчуудыгаа боловсролтой боловcролгvйгээр нь, хот хєдєєгєєр нь, гадаад эхнэр, нєхєртэйгєєр нь, Будда, Xристос, Aллах шvтдэгээр нь, сайхан муухайгаар нь нэгэн бээр ялгаж, салгаж харьцаж байсангvй. Би энд амьдарч буй бvх монголчуудад хvрч ажиллаж чадаагvй байж болно. Гэхдээ тэдний талтай нь харьцаж, ажиллаж ирсэн. Зєвхєн нэгэн жишээд дурдахад Далай ламын уулзалтыг зохиохдoo хvн бvрт єєрийн гараар надаас билетээ авах шаардлага тавьж байсан юм. Тэгэхээр надтай уулзаад билет авсан хvний тоо нэг мянга хол давж байсан юм aa.

Нэгэнт БАМХ хэмээх айл аль хэдийнээ гэрээ бариад, єрхєє татаад, галаа асааж, хаалган нээсэн, тvvнийг авч яваа итгэлтэй баг бvрдсэн учир vvрэгт ажлаасаа чєлєєлєгдєх саналаа журмын нєхдєдєє тавьж байна. Ийнхvv санал єргєсєн шалтгаанаа тодруулан хэлье. Миний бие Далай Ламын АНУ-д байгуулсан Соёлын Тєвийн удирдах зєвлєлийн долоон гишvvний нэг юм. Далай Ламын лvндэн, Ажаа гэгээний захиас, євєг дээдсийн барилдлагаар энэхvv ажилд хvчээ єргєх болсон тул БАМХ-ны єдєр тутмын vйл ажиллагааг цаашид цалгардуулж болохгvйг гvнээ ухамсарлаад холбооны тэргvvний vvрэгт ажлаас чєлєєлєгдєх саналыг хуралд оруулж байна. Яагаад намайг зайлшгvй ийм сонголт хийх болсон талаар зарим хvн гайхаж магад. Элэнц хуланцын vеэс хэдэн зууныг дамжин шvтэгдэж ирсэн Халхын Автай сайн ноён ханы оройн дээд шvтээнийг залгамжилж авсан хvний хувьд євєг дээдсийн ёсыг дагахаас єєрцгvй нєхцлийн дор Далай ламын лvндэн, Ажаа гэгээний захиасыг биелvvлэхийг vнэн сэтгэлээсээ зорьсон нь энэ билээ.

Хэдийгээр би vvрэгт ажлаасаа тогтсон хугацаанаас ємнє єєрийн хvсэлтээр чєлєєлєгдєx болcон ч цаг завыг харгалзан, холбооноос олгосон боломжийн дагуу олон нийтийн тєлєє оногдсон ажлаа цаашид мєн хийх болно. Намайг дэмжиж тусалж ирсэн, надаас тус дэм авч явсан хvмvvс бvгд холбооны vйл ажиллагаанд урдын адил идэвхтэй оролцоно хэмээн найдаж байна. Мохос миний ойлгож байгаагаар БАМХ гэдэг нь тvмний тєлєє ажиллаж чадах сэтгэл зvйн бэлтгэлтэй хvмvvсийн бvтээн байгуулсан олон нийтийн, сайн дурын байгууллага, цаашид мєн ийм итгэл зvтгэлтэй хvмvvсээр єргєжин тэлж байх хувь тавилантай, нийтэд нээлттэй орон зай байх болно. Тvvнээс холбоо бол бvсчилж тогтоосон сонгуулийн тойрог биш, бvртгэлд ороогvй монголчуудын хойноос толгой дараалан хєєцєлдєх засаг захиргааны байгууллага биш, харин aлбан ёсоор Монгол улсаас тус улсад суугаа Элчин сайдын яам, Консулын газрын vйл ажиллагааг дэмжих, хувь заяаны эрхээр энд амьдарч байгаа монголчууддаа хvмvvнлэгийн тусламж vзvvлэх сайн санааны байгууллага гэдгийг дахин тодотгон хэлье.

Монголчууд маань сэтгэлээрээ гэгээрч, итгэлээрээ нэг нэгэндээ хандаж явбал санасан бvхэн тань саадгvй бvтэх буй за. Сайн vйл улам ихээр дэлгэрэг.

2007.3.26

2 comments:

D.Sainbayar said...

Хойч үеийн залуус бидэндээ үлгэр дууриал болсоор ирсэн, номун садан ах танд нийт Монголчуудынхаа өмнөөс дорд мэхүйн ёсолж, талархах сэтгэлээр бялхсан сэтгэлийн цагаан хадагаан бариюу! Хоёргүй чин сэтгэл, сайн үйлсийн буян хэмжээлшгүй ажгуу. Сайн үйлс ашид дэлгэрэх болтугай. Гүнээ хүндэтгэсэн, Д.Сайнбаяр (Даяар Монгол сонин, Чикаго)

Gobi said...

Таныг бахархаж байна. Цаашдын сэтгэн зүтгэж бүх л ажилд тань өндөр амжилтыг хүсье.